Breaking News
Home / Lifestyle / Recipes / కాకరకాయ మసాలా కర్రీ మీకోసం…

కాకరకాయ మసాలా కర్రీ మీకోసం…

వంటలు:

కావలసిన పదార్థాలు:
కాకరకాయలు – పావుకిలో, ఉల్లిపాయ – ఒకటి, టొమాటో – ఒకటి, అల్లంవెల్లుల్లి పేస్టు – టీస్పూన్‌, వేరుసెనగలు – పావు కప్పు, కారం – అర టీస్పూన్‌, చింతపండు – కొద్దిగా, బెల్లం – రెండు టేబుల్‌స్పూన్లు, ఆవాలు – అర టీస్పూన్‌, జీలకర్ర – అర టీస్పూన్‌, ఎండుమిర్చి – రెండు, కరివేపాకు – కొద్దిగా.

తయారీ విధానం:
కాకరకాయలను ఉడికించాలి. వేరుసెనగలు వేగించి పొట్టు తీసి పెట్టాలి. పాన్‌లో నూనె వేసి కాస్త వేడి అయ్యాక ఉల్లిపాయలు వేసి వేగించాలి. అల్లం వెల్లుల్లి పేస్టు, టొమాటో ముక్కలు వేసి మరికాసేపు వేగించుకుని పక్కన పెట్టుకోవాలి. అదే పాన్‌లో మరికాస్త నూనె వేసి కాస్త వేడి అయ్యాక ఆవాలు, జీలకర్ర, కరివేపాకు, ఎండుమిర్చి వేగించాలి. ఇప్పుడు ఉడికించి పెట్టుకున్న కాకరకాయలు వేసి కలపాలి. వేరుసెనగలు, ఉల్లిపాయలు, టొమాటో పేస్టు, బెల్లంలో అర కప్పు నీళ్లు పోసి మిక్సీ పట్టాలి. ఈ మిశ్రమాన్ని ఉడుకుతున్న కాకరకాయల్లో వేసి కలపాలి. తగినంత ఉప్పు, కారం వేసి చిన్నమంటపై పావుగంట పాటు ఉడికిస్తే కాకరకాయ మసాలా కూర రెడీ.

Check Also

సజ్జలతో మంచూరియా

Share this on WhatsAppకావలసిన పదార్థాలు: సజ్జ పిండి – 150 గ్రా., మిర్చి – 10 గ్రా., కొత్తిమీర …

Leave a Reply

Your email address will not be published. Required fields are marked *