Breaking News
Home / States / ‘గ్లోబల్ బయో ఇండియా రోడ్ షో – 2019’కి సర్వం సిద్ధం

‘గ్లోబల్ బయో ఇండియా రోడ్ షో – 2019’కి సర్వం సిద్ధం

హైదరాబాద్: రాజేంద్రనగర్‌లోని అగ్రికల్చర్ యూనివర్సిటీలో జరగనున్న ‘గ్లోబల్ బయో ఇండియా రోడ్‌షో – 2019’కి సర్వం సిద్ధమైంది. నేషనల్ అకాడెమీ ఆఫ్ అగ్రికల్చర్ రీసెర్చ్ మేనేజ్‌మెంట్ క్యాంపస్‌లో రోడ్ షోకు ఏర్పాట్లు చేశారు. ‘బయో – నెస్ట్ ఆఫ్ ఎ ఐడియా’, ‘టెక్నాలజీ బిజినెస్ ఇంక్యుబేటర్ ఆఫ్ ఎన్ఏఏఆర్ఎం’, ‘అగ్రీ బయోటెక్ ఫౌండేషన్’ సంయుక్తంగా నిర్వహిస్తున్న ఈ రోడ్ షో శుక్రవారం మధ్యాహ్నం 2.30 నుంచి సాయంత్రం 5.30 వరకు జరగనుంది. దేశ ఆర్థిక ప్రగతికి తోడ్పడుతున్న బయోటెక్నాలజీ రంగాన్ని మరింత పరిపుష్టం చేసే ఉద్దేశంతో గ్లోబల్ బయో ఇండియా – 2019 సదస్సును కేంద్రప్రభుత్వం నిర్వహిస్తోంది. న్యూఢిల్లీలో ఉన్న ఏరోసిటీలో నవంబర్ 21 – 23 వరకు ఈ సదస్సు జరగనుంది. బయో ఫార్మా, బయో ఇండస్ట్రియల్, బయో ఎనర్జీ, బయో సర్వీసెస్ రంగాల్లో ఎదురవుతున్న సమస్యలపై ఈ సదస్సులో చర్చించనున్నారు. ఈ సదస్సుపై అవగాహన కల్పించడంలో భాగంగా రోడ్ షో ఏర్పాటు చేసినట్టు నిర్వాహకులు తెలిపారు. పలువురు వ్యాపారవేత్తలు, ఆవిష్కర్తలు, విద్యార్థులు, స్టార్టప్స్‌కు చెందినవారు, ప్రభుత్వ అధికారులు కార్యక్రమంలో ప్రసంగించనున్నారు.

Check Also

వీధి బాలలకు కరోనా పరీక్షలు.. దేశంలోనే ఏపీలో తొలిసారిగా ముస్కాన్ కోవిద్ -19

Share this on WhatsAppకరోనా వైరస్ పరీక్షలు చేయడం లేదు మహాప్రభో అని కొన్ని రాష్ట్రాల్లో గగ్గోలు పెడుతుంటే, వీటి …

Leave a Reply

Your email address will not be published. Required fields are marked *