Breaking News
Home / Health / వైరల్ ఫీవర్ కి …..ఇంటి చిట్కాలు

వైరల్ ఫీవర్ కి …..ఇంటి చిట్కాలు

సమయం సందర్భం లేకుండా వర్షాలు కురుస్తున్నాయి. వాతావరణ మార్పుల కారణంగా అనేక సమస్యలు చుట్టుముడతున్నాయి. చాలా మంది వైరల్ ఫీవర్‌తో బాధపడుతున్నారు. దీనికి ఆస్పత్రుల చుట్టూ తిరిగి టెస్ట్‌లు చేయించుకుని వైరల్ ఫీవర్ అని తెలియగానే భయపడి పోయి యాంటీ బయాటిక్స్ వాడుతున్నారు.

అయితే, రోగనిరోధక శక్తి తగ్గడం వల్లే వైరల్ ఫీవర్స్ మనపై దాడి చేస్తాయి. కాబట్టి.. వైరల్ ఫీవర్‌ని తగ్గించేందుకు యాంటీ బయాటిక్స్ కంటే కొన్ని ఇంటి చిట్కాలు వాడాలి. దీని వల్ల రోగ నిరోధక శక్తి పెరుగుతుంది. వైరల్ ఫీవర్స్ కూడా వాకౌట్ చేస్తాయి. అలాంటి కొన్ని ఎపెక్టివ్ హోం రెమిడీస్ ఇప్పుడు చూద్దాం..

కొత్తిమీర టీ..
కొత్తిమీరలో అనేక విటమిన్స్, ఫైటో న్యూట్రియెంట్స్ ఉంటాయి. ఇవి శరీర రోగ నిరోధక వ్యవస్థను మెరుగుపరుస్తాయి. దీనితో పాటుగా వీటిలోని యాంటీ బయాటిక్ సమ్మేళనాలు వైరల్ ఫీవర్‌ని తగ్గిస్తాయి. కాబట్టి.. జ్వరంగా ఉన్న సమయంలో ఎక్కువగా కొత్తిమీరని తీసుకోవాలి. కొత్తిమీరని జ్యూస్‌ తాగొచ్చు. లేదా.. కొత్తిమీర గింజలు ధనియాలతో టీ చేసుకుని తాగాలి..

టీ తయారీ విధానం..
ఇందుకోసం ముందుగా ఓ గ్లాసు నీటిని తీసుకుని వేడి చేయండి. అందులో ధనియాలు వేసి బాగా మరిగించాలి. ఇలా తయారైన మిశ్రమాన్ని చల్లార్చాలి. చల్లారిన తర్వాత అలానే తాగొచ్చు. అలా తాగలేమం అనుకున్న వారు అందులో పాలు, చక్కెర కలిపి తాగేయొచ్చు. ఇలా చేయడం వల్ల వైరల్ ఫీవర్ త్వరగా తగ్గుతుంది.

తులసి టీ..
తులసిలోని గొప్ప గుణాలు ఆరోగ్యానికి ఎంతగానో ఉపయోగపడతాయి. ఈ ఆకులను ఊరికే తిన్నా ఎన్నో ప్రయోజనాలు ఉంటాయి. అలాంటి తులసి ఆకులతో ఆవిరి పట్టినా.. వాసన చూసినా లేదా టీ చేసుకుని తాగినా ఆ రసం తాగినా ఎన్నో లాభాలు ఉన్నాయి. మరి అది ఎలాగో ఇప్పుడు చూద్దాం..

వర్షాకాలంలో చాలా మంది జలుబుతో తెగ ఇబ్బంది పడతారు. అలాంటివారు నీటిని బాగా మరిగించి అందులో తులసి ఆకులు వేసి ఆవిరి పడితే జలుబు, దగ్గు మటుమాయం అవుతాయి.

మలేరియా లాంటి వైరల్ జ్వరాలకు తలసి మంచి విరుగుడు. తులసి ఆకుల కషాయం జ్వరం తీవ్రతను తగ్గిస్తుంది. అలా కషాయంలా తాగలేని వారు.. ఈ ఆకులను టీలో మరిగించి తీసుకోవచ్చు. దీని వల్ల ఎన్నో ప్రయోజనాలు ఉంటాయి. టీకి మంచి సువాసన కూడా తోడవుతుంది. వానాకాలంలో ఈ టీని తాగడం వల్ల మేలు జరుగుతుంది. ఏడాది నిండిన పిల్లకు రోజూ ఓ చెంచా తులసి రసం తాగిస్తే జీర్ణశక్తి మెరుగవుతుంది. పిల్లలకే కాదు.. పెద్దలకి కూడా ఈ సమయంలో జీర్ణ సమస్యలు ఎదురవుతాయి. అలాంటప్పుడు ఈ రసం తాగడం వల్ల కడుపులో మంట లాంటి భావన తగ్గుతుంది.

గుప్పెడు తాజా తులసి ఆకులను తీసుకుని వాటిని శుభ్రపరచి, లీటర్ నీటిలో కలపండి. సగం చెంచా లవంగాల పొడి ఈ మిశ్రమానికి కలపండి. ఈ మిశ్రమాన్ని వేడి చేసి సగం వచ్చేవరకూ వెయిట్ చేయండి. వైరల్ ఫీవర్‌తో బాధపడేవారు. ప్రతీ రెండు గంటలకు ఓసారి ఈ మిశ్రమాన్ని తాగడం వల్ల త్వరగా ఉపశమనం ఉంటుంది.

తులసిలో యాంటీ బయాటిక్, ఫంగల్ గుణాలు, రోగక్రిమినాశక లక్షణాలు ఉంటాయి. ఇవి వైరల్ ఫీవర్ పని పడతాయి.

జ్వరం వచ్చిందని ఎక్కువగా యాంటీ బయాటిక్స్ వాడడం వల్ల మేలు కంటే కీడే ఎక్కువగా జరుగుతుంది. అందుకే అలా కాకుండా.. సహజ ఔషధాలు వాడడం వల్ల వైరల్ జ్వరాలు తగ్గుతాయి. పైగా ఎలాంటి దుష్ప్రభావాలు ఉండవు.

అదే కాకుండా వైరల్ ఫీవర్ ఉన్నవారు పని ఎక్కువగా చేయకుండా విశ్రాంతి తీసుకోవడం చాలా అవసరం. అప్పుడే త్వరగా జ్వరం తగ్గుతుంది. లేదంటే జ్వరం తిరగబెట్టే అవకాశం ఉంది. అందుకే చాలా వరకూ బయట తిరగడం, పని ఎక్కువగా చేయడం చేయకూడదు. ఎక్కువగా విశ్రాంతి తీసుకోవాలి.

అదే విధంగా, ఎక్కువగా జ్వరం ఉన్నప్పుడు తలస్నానం లాంటివి చేయకూడదు. ఒకవేళ చేసినా తల త్వరగా ఆరేలా చూసుకోవాలి. లేకపోతే తలంతా పచ్చిగా అయిపోయి జ్వరం ఎక్కువయ్యే ప్రమాదం ఉంటుంది. కాబట్టి ఆ జాగ్రత్త ఖచ్చితంగా తీసుకోవాలి.

Check Also

క‌రోనాలో కొత్త‌గా ఆరు ల‌క్ష‌ణాలు..

Share this on WhatsAppఇప్ప‌టివ‌ర‌కు జ్వ‌రం, ద‌గ్గు, జ‌లుబును మాత్ర‌మే క‌రోనా ల‌క్ష‌ణాలుగా ప‌రిగ‌ణించాం.. కానీ ఇప్పుడు అది రూటు …

Leave a Reply

Your email address will not be published. Required fields are marked *