Breaking News
Home / Entertainment / సినిమా షూటింగ్‌లు, థియేటర్స్ ఓపెనింగ్..!

సినిమా షూటింగ్‌లు, థియేటర్స్ ఓపెనింగ్..!

కరోనా ఎఫెక్ట్‌, లాక్‌డౌన్‌తో సినిమా షూటింగ్‌లు నిలిచిపోయాయి… థియేటర్లు మూతపడ్డాయి… రిలీజ్‌ కావాల్సిన సినిమాలు వాయిదా పడ్డాయి.. అంతేకాదు… ఎప్పుడు లేని విధంగా బుల్లితెర కార్యక్రమాలు కూడా నిలిచిపోయాయి.. షూటింగ్‌లు నిలిచిపోవడంతో.. పాత ఎపిసోడ్‌లను రిపీట్ వేయాల్సిన పరిస్థితి వచ్చింది… అయితే, లాక్‌డౌన్‌ నుంచి క్రమంగా సడలింపులు ఇస్తూ ఉండడంతో.. సినిమా షూటింగ్‌లు తిరిగి ప్రారంభించడం, థియేటర్లను ఓపెన్ చేయడంపై తెలంగాణ ప్రభుత్వం దృష్టిసారించింది.. దీనిలో భాగంగా ఇప్పటికే సినీప్రముఖులు సీఎం కేసీఆర్‌తో చర్చలు జరపగా.. ఇవాళ మంత్రి తలసాని శ్రీనివాస్ యాదవ్ మరోసారి సినీ ప్రముఖులతో సమావేశమై చర్చించారు ..ఈ సమావేశానికి నిర్మాతలు  కల్యాణ్, దిల్ రాజు, డైరెక్టర్ ఎన్‌ శంకర్, మా అద్యక్షుడు నరేష్, ఎఫ్‌డీసీ మాజీ చైర్మన్ రాంమోహన్ రావు, జీవిత తదితరులు హాజరయ్యారు.

ఈ సందర్భంగా మంత్రి తలసాని శ్రీనివాస్ యాదవ్ మాట్లాడుతూ.. సినీరంగం పట్ల ప్రభుత్వం ఎప్పుడు సానుకూల ధోరణితో వ్యవహరిస్తుందని తెలిపారు.. లాక్‌డౌన్‌తో సినిమా, టీవీ సీరియల్స్ షూటింగ్‌లు నిలిచిపోవడంతో.. ఈ రంగాలపై ఆధారపడి జీవిస్తున్న లక్షలాది మంది తీవ్ర ఇబ్బందులు పడుతున్నారని.. సినీ రంగాన్ని ఆదుకునేందుకు ప్రభుత్వం అన్ని రకాల చర్యలను తీసుకుంటుందని వెల్లడించారు. పోస్ట్ ప్రొడక్షన్ చేసుకునేందుకు సంబంధించి ఇప్పటికే ఆదేశాలు జారీ చేశాం.. షూటింగ్‌లు, థియేటర్స్ ఓపెనింగ్‌కు సంబంధించిన అంశాలను పరిశీలించి నిర్ణయం తీసుకుంటామని తెలిపారు. తెలుగు సినీ పరిశ్రమకు బెస్ట్ పాలసీని తీసుకొచ్చేందుకు ప్రభుత్వం ప్రణాళికలను సిద్ధం చేస్తోందని ఈ సందర్భంగా స్పష్టం చేశారు.. ఈ నెల 28వ తేదీన మధ్యాహ్నం 3 గంటలకు ప్రభుత్వ చీఫ్ సెక్రెటరీతో సినీ రంగంలోని ప్రముఖులతో సమావేశం ఉంటుందని.. ఆ భేటీలోనే దీనిపై మరింత క్లారిటీ వస్తుందన్నారు.

Check Also

బిగ్ బాస్-3 కంటెస్టెంట్ కు కరోనా..!

Share this on WhatsAppబుల్లి తెరను కరోనా వైరస్ పట్టి పీడిస్తోంది. ఇప్పటికే పలువురు బుల్లి తెర నటీనటులు కరోనా …

Leave a Reply

Your email address will not be published. Required fields are marked *