Breaking News
Home / Lifestyle / Recipes / పుట్టగొడుగుల వేపుడు

పుట్టగొడుగుల వేపుడు

కావలసినవి

పుట్టగొడుగులు – పావుకేజీ, జీడిపప్పు – పది పలుకులు, ఉల్లిపాయ – ఒకటి, టమాట – ఒకటి, అల్లంవెల్లుల్లి పేస్టు – ఒక టీస్పూన్‌, పచ్చిమిర్చి – ఒకటి, కరివేపాకు – రెండు రెమ్మలు, ఆవాలు – పావు టీస్పూన్‌, జీలకర్ర – అర టీస్పూన్‌, నూనె – సరిపడా, కారం – అర టీస్పూన్‌, పసుపు – చిటికెడు, గరంమసాల – ఒక టీస్పూన్‌, ఉప్పు – రుచికి తగినంత.

తయారీవిధానం

ముందుగా ఉల్లిపాయలు, పచ్చిమిర్చి కట్‌ చేసుకోవాలి. జీడిపప్పు లుకులను పావుగంట పాటు నానబెట్టి పక్కన పెట్టుకోవాలి. ఒక పాన్‌లో నూనె వేసి కాస్త వేడి అయ్యాక ఆవాలు, జీలకర్ర వేసి వేగించాలి. అల్లం వెల్లుల్లి పేస్టు మరికాసేపు వేగించాలి.

తరువాత ఉల్లిపాయలు వేయాలి. టమాట ముక్కలు వేసి మరికాసేపు వేగనివ్వాలి. పసుపు, కారం, గరంమసాలా, కరివేపాకు వేసి ఇంకాసేపు వేగించాలి. ఇప్పుడు పుట్టగొడుగులు, జీడిపప్పు, తగినంత ఉప్పు వేసి కలియబెట్టాలి. చిన్నమంటపై ఉడికించుకోవాలి. కావాలనుకుంటే నిమ్మరసం పిండుకోవచ్చు. పుట్టగొడుగులు ఉడికిన తరువాత దింపుకొని సర్వ్‌ చేసుకోవాలి. చపాతీలోకి లేక అన్నంలోకి ఈ పుట్టగొడుగుల ఫ్రై రుచిగా ఉంటుంది.

Check Also

సజ్జలతో మంచూరియా

Share this on WhatsAppకావలసిన పదార్థాలు: సజ్జ పిండి – 150 గ్రా., మిర్చి – 10 గ్రా., కొత్తిమీర …

Leave a Reply

Your email address will not be published. Required fields are marked *