Breaking News
Home / States / Andhra Pradesh / వైఎస్సార్‌సీపీ ఎమ్మెల్యే ప్రభుత్వ అధికారులపై సంచలన వ్యాఖ్యలు

వైఎస్సార్‌సీపీ ఎమ్మెల్యే ప్రభుత్వ అధికారులపై సంచలన వ్యాఖ్యలు

ప్రభుత్వ అధికారులపై విజయనగరం జిల్లా సాలూరు వైఎస్సార్‌సీపీ ఎమ్మెల్యే సంచలన వ్యాఖ్యలు చేశారు. ఆరు నెలలుగా తనకు పాస్ పుస్తకాలు ఇవ్వకుండా అధికారులు ఇబ్బంది పెడుతున్నారని.. విజయనగరం కలెక్టరేట్‌లో జిల్లా సమీక్ష సమావేశంలో ఫిర్యాదు చేశారు. సాక్షాత్తూ మంత్రులు వెల్లంపల్లి శ్రీనివాస్, పుష్పశ్రీవాణి, బొత్స సత్యనారాయణ ముందే తన ఆవేదనను వ్యక్తం చేశారు.

నాలుగుసార్లు ఎమ్మెల్యేగా గెలిచిన తనను అధికారుల ఇబ్బందిపెట్టారని.. మరి సామాన్య ప్రజల పరిస్థితి ఏంటని ఎమ్మెల్యే రాజన్నదొర ప్రశ్నించారు. ఆరు నెలలుగా పాస్ పుస్తకాలు ఇవ్వలేదని.. అధికారులు ఇబ్బందిపెడుతున్నారన్నారు. రాజన్న దొర చేసిన వ్యాఖ్యలు సంచలనంగా మారాయి. అధికార పార్టీ ఎమ్మెల్యేనే ఇలా ప్రభుత్వ అధికారులపై ఫిర్యాదు చేయడం ఆసక్తికరంగా మారింది. రాజన్న దొరకు మంత్రులు సర్థిచెప్పడంతో కాస్త మెత్తబడినట్లు తెలుస్తోంది.
గతవారమే ఏసీబీ అధికారుల తీరుపై డిప్యూటీ సీఎం పిల్లి సుభాష్ చంద్రబోస్ సంచలన వ్యాఖ్యలు చేశారు. ఏసీబీవాళ్లు దోపిడీ దొంగలకంటే దారుణంగా ఉన్నారని.. ఏకంగా హోంమంత్రికే ఫిర్యాదు చేయడం సంచలనంగా మారింది. ఆ వ్యాఖ్యల్ని మర్చిపోకముందే మళ్లీ వైఎస్సార్‌సీపీ ఎమ్మెల్యే అధికారులపై ఫిర్యాదు చేయడంపై ఏపీలో చర్చ మొదలయ్యింది

Check Also

వీధి బాలలకు కరోనా పరీక్షలు.. దేశంలోనే ఏపీలో తొలిసారిగా ముస్కాన్ కోవిద్ -19

Share this on WhatsAppకరోనా వైరస్ పరీక్షలు చేయడం లేదు మహాప్రభో అని కొన్ని రాష్ట్రాల్లో గగ్గోలు పెడుతుంటే, వీటి …

Leave a Reply

Your email address will not be published. Required fields are marked *