Tag Archives: Guntur district

గుంటూరు: రాష్ట్రంలో కరోనా కేసులు తగ్గుముఖం పట్టాయి. నిన్న సాయంత్రం 6 గంటల నుంచి ఇవాళ ఉదయం 9 గంటల వరకు కేవలం ఒకే కరోనా కేసు నమోదైనట్లు ఆరోగ్యశాఖ బులిటెన్‌ విడుదల చేసింది. గుంటూరులో ఈ కేసు నమోదైనట్లు వెల్లడించింది. దీంతో రాష్ట్రంలో మొత్తం కరోనా పాజిటివ్ కేసుల సంఖ్య 304కు చేరుకుంది. మరోవైపు కర్నూలు జిల్లాలో ఈనెల 3న కరోనా కారణంగా ఓ వ్యక్తి మృతిచెందినట్లు నిర్థారించింది.

గుంటూరు కన్వెన్షన్ హాల్​లో వైసీపీ ఆధ్వర్యంలో పాత్రికేయులు, మీడియా ప్రతినిధులకు రాష్ట్ర హోంమంత్రి సుచరిత నిత్యావసరాలు పంపిణీ చేశారు. కరోనా మహమ్మారిపై పోరాటానికి పోలీసులు, వైద్య సిబ్బందితోపాటు మీడియా ప్రతినిధులు ప్రాణాలకు తెగించి విధులు నిర్వహిస్తున్నారని మంత్రులు కొనియాడారు. ప్రభుత్వ నిర్ణయాలను ప్రజలకు చేరవేస్తూ.. వారిని చైతన్యవంతం చేయడంలో పాత్రికేయులు క్రియాశీల పాత్ర పోషిస్తున్నారని అన్నారు.

గుంటూరు: ఏపీ రాష్ట్రంలో కరోనా పాజిటివ్ కేసులు అత్యధికంగా గుంటూరు జిల్లాలో నమోదయ్యాయి. బుధవారం ఒక్కరోజే 11 పాజిటివ్ కేసులు నమోదయ్యాయి. దీంతో జిల్లాలో పాజిటివ్ కేసులు 20కి పెరిగాయి. గతంలో ఉన్న ప్రాంతాలతోపాటు కొత్తగా అచ్చంపేట, క్రోసూరు, మంగళగిరి ప్రాంతాల్లో పాజిటివ్ కేసులు నమోదయ్యాయి. గుంటూరు నగరంలో గతంలో ఉన్న 4 కేసులకు మరో 5 కలవడంతో పాజిటివ్ కేసుల సంఖ్య 9కి చేరింది. ఇక క్రోసూరులో 3, అచ్చంపేట, …

గుంటూరు: కరోనా వల్ల రాష్ట్ర ఆర్థిక పరిస్థితి మందగించిందని ఏపీ సీఎం జగన్ తెలిపారు. అనుకోని ఖర్చులు విపరీతంగా పెరిగాయని, రాష్ట్ర ఆర్థిక పరిస్థితిపై అనుకోని భారం పడిందని సీఎం జగన్‌ అన్నారు. జీతాలు వాయిదా వేసేందుకు సహకరించిన ప్రజాప్రతినిధులకు, ఉద్యోగులకు, పెన్షనర్లకు జగన్ కృతజ్ఞతలు తెలిపారు. గ్రామాల్లో రైతులు ఒంటిగంట దాకా పనులు చేసుకోవచ్చని, రైతులు, రైతు కూలీలు సామాజిక దూరం పాటిస్తే మేలు జరుగుతుందని జగన్ చెప్పారు. …

గుంటూరు: వాలంటీర్లు ప్రతి ఇంటికి వెళ్లి పరామర్శిస్తున్నారని, జ్వరం, ఏ ఇతర సమస్యలున్నా వాలంటీర్లకు చెప్పాలని సీఎం జగన్ తెలిపారు. 81 శాతం కరోనా కేసులు ఇంట్లో ఉంటేనే నయమవుతాయని, కరోనా వైరస్‌కు 14 శాతం మాత్రమే ఆస్పత్రికి వెళ్లాల్సిన పరిస్థితి ఉంటుందని జగన్ అన్నారు. 4, 5 శాతమే ఐసీయూలో చికిత్స చేయాల్సిన పరిస్థితి వస్తుందని సీఎం జగన్ పేర్కొన్నారు. వాలంటీర్లకు ప్రజలు సహకరించాలని, వారు మీ బాగోగులు …

గుంటూరు: గుంటూరులో తొలి కరోనా పాజిటివ్ కేసు నమోదు కావడంతో అధికారులు, పోలీసులు అప్రమత్తమయ్యారు. కరోనా బాధితుడితో కలిసి మాచర్లకు చెందిన 8 మంది, పిడుగురాళ్లకు చెందిన ఇద్దరు, పిన్నెల్లికి చెందిన ఒకరు, తెనాలికి చెందిన ఒకరు ఢిల్లీ వెళ్లినట్లు గుర్తించిన పోలీసులు.. వారినీ ఐసోలేషన్‌కు తరలించే ఏర్పాట్లు చేస్తున్నారు. అలాగే కరోనా బాధితుడు గుంటూరు, తాడికొండలో మత ప్రార్థనల్లో పాల్గొన్నట్లు పోలీసులు నిర్ధారించారు.

గుంటూరు: కరోనా మహమ్మారిని తరిమికొట్టేందుకు ప్రభుత్వం అమలు చేస్తోన్న లాక్‌డౌన్‌ను ప్రజలందరూ తప్పనిసరిగా పాటించాలని జిల్లా ఇన్‌ఛార్జి మంత్రి శ్రీరంగనాథరాజు తెలిపారు. మంగళవారం ఆయన కలెక్టర్‌.. రూరల్‌, అర్బన్‌ ఎస్సీలతో టెలికాన్ఫరెన్స్‌ ద్వారా మాట్లాడారు. లాక్‌డౌన్‌ ఉల్లంఘనులను ఉపేక్షించవద్దని మంత్రి ఆదేశించారు. లాక్‌డౌన్‌ను సీరియస్‌గా తీసుకోకుండా బయట తిరిగేవారిపై కేసులు నమోదు చేయడంలో వెనకాడవద్దని స్పష్టం చేశారు. జిల్లా వ్యాప్తంగా 14 చోట్ల క్వారంటైన్‌ కేంద్రాలు ఏర్పాటు చేస్తున్నామని పేర్కొన్నారు.

గుంటూరు: మంగళగిరిలో ఓ యువతికి కరోనా లక్షణాలున్నట్టు వైద్యులు గుర్తించారు. రెండు రోజుల క్రితం అమెరికా నుంచి వచ్చిన యువతి… జలుబు, దగ్గు, జ్వరంతో బాధపడుతోంది. ఆమెను హుటాహుటిన జీజీహెచ్‌లోని ఐసోలేషన్ వార్డుకు తరలించారు. నిర్ధారణ కోసం నమూనాలను వైద్యులు పరీక్షకు పంపారు.

గుంటూరు: తాడేపల్లిలోని ముఖ్యమంత్రి క్యాంపు కార్యాలయంలో ముఖ్యమంత్రి వైఎస్ జగన్మోహన్ రెడ్డి సమక్షంలో టీడీపీ ఎమ్మెల్సీ శమంతకమణి, మాజీ ఎమ్మెల్యే యామిని బాల వైసీపీ పార్టీలో చేరారు. ఈ సందర్భంగా వారిని సీఎం జగన్ కండువా కప్పి పార్టీలోకి ఆహ్వానించారు. ఈ కార్యక్రమంలో పలువురు వైసీపీ నేతలు పాల్గొన్నారు.

గుంటూరు జిల్లా పొన్నూరులో మూడు సంవత్సరాల బాలికపై బాబాయ్ ఆత్యాచారానికి పాల్పడిన ఘటన బుధవారం స్థానికంగా సంచలనం రేపింది. పోలీసులు తెలిపిన వివరాల ప్రకారం.. మూడేళ్ళ పాపపై సొంత బాబాయ్ అత్యాచారానికి పాల్పడగా.. స్థానికులు దేహశుద్ధి చేసి పోలీసులకు అప్పగించారు. పాపను ఆసుపత్రికి తరలించారు.