Breaking News
Home / States / Andhra Pradesh / వైసీపీపై నిప్పులు చెరిగిన టీడీపీ నేత…

వైసీపీపై నిప్పులు చెరిగిన టీడీపీ నేత…

విజయవాడ: ఆంధ్రప్రదేశ్ రాజధాని విషయమై శనివారం అమరావతిలో మీడియా సమావేశంలో టీడీపీ నాయకురాలు పంచుమర్తి అనురాధ మాట్లాడుతూ సంపద సృష్టించే రాజధాని, 13 జిల్లాల ప్రజల నాడి అయిన అమరావతిపై వైసీపీ నేతలు ఇష్టం వచ్చినట్లు మాట్లాడుతున్నారని తీవ్ర విమర్శలు చేశారు. భావితరాలను దృష్టిలో ఉంచుకొని చంద్రబాబు నాయుడు రాజధాని నిర్మాణం చేపట్టారని అన్నారు. 20 లక్షల మందికి ఉద్యోగాలు వచ్చే రాజధానిపై కుట్రలు చేస్తున్నారని, రాజధాని కోసం 30వేల ఎకరాలు ఉండాల్సిందేనని 2014లో జగన్ చెప్పిన విషయాన్ని గుర్తు చేశారు. కానీ ఇప్పుడు 15వేల ఎకరాలు సరిపోతాయని వైసీపీ ఎమ్మెల్యే ఆర్కే రోజా చెప్పడంలో ఆంతర్యమేంటని ప్రశ్నించారు. రైతులు అడిగే ప్రశ్నలకు ప్రభుత్వం వద్ద సమాధానం ఉందా? అని ప్రశ్నించారు. మాట్లాడితే నిపుణుల కమిటీ అంటున్నారని నిప్పులు చెరిగారు. శివరామకృష్ణన్ కమిటీ కాదా? అని ప్రశ్నించారు.

కృష్ణా, గుంటూరు జిల్లా వైసీపీ ఎమ్మెల్యేలు ఏం చేస్తున్నారని, ప్రజలు వారిని నమ్మి ఓట్లేశారని అన్నారు. అవినీతి అని, ముంపు ప్రాంతం అని, ఇన్సైడ్ ట్రేడింగ్ అని ఇష్టమొచ్చిన ఆరోపణలు చేసి ఏ ఒక్కటీ నిరూపించలేకపోయారని ప్రభుత్వంపై ఆమె విమర్శలు గుప్పించారు. చంద్రబాబు సీఎంగా ఉన్నప్పుడు 320 కిలోమీటర్లు రోడ్లు, 77 కిలోమీటర్ల ఘాట్, 45 ఎకరాల్లో సెక్రటేరియట్, 6 భవనాలను నిర్మించారని, 130 సంస్థలకు 1200 ఎకరాలు కేటాయించడం జరిగిందని పేర్కొన్నారు. వైసీపీ నేతలు చరిత్ర హీనులుగా మారిపోతారని, నామరూపాలు లేకుండా పోతారంటూ ఘాటైన వ్యాఖ్యలు చేశారు.

Check Also

వీధి బాలలకు కరోనా పరీక్షలు.. దేశంలోనే ఏపీలో తొలిసారిగా ముస్కాన్ కోవిద్ -19

Share this on WhatsAppకరోనా వైరస్ పరీక్షలు చేయడం లేదు మహాప్రభో అని కొన్ని రాష్ట్రాల్లో గగ్గోలు పెడుతుంటే, వీటి …

Leave a Reply

Your email address will not be published. Required fields are marked *