Breaking News
Home / States / Andhra Pradesh / Amaravati / ఈసీ తీరును తీవ్రంగా తప్పుపట్టిన కళా

ఈసీ తీరును తీవ్రంగా తప్పుపట్టిన కళా

అమరావతి: ఈసీ తీరును టీడీపీ రాష్ట్ర అధ్యక్షుడు కళా వెంకట్రావు తీవ్రంగా తప్పుపట్టారు. ఎన్నికల సంఘం అధికారులు పారదర్శకంగా వ్యవహరించడం లేదని ధ్వజమెత్తారు. అడిషనల్ సీఈవో సుజాత శర్మను కళా వెంకట్రావు కలిశారు. ఈ సందర్భంగా రాష్ట్ర వ్యాప్తంగా 49 పోలింగ్ బూత్‌ల్లో అవకతవకలు జరిగాయని ఫిర్యాదు చేశారు. వీటిలో రీపోలింగ్ జరగాలని కోరారు. చంద్రగిరి నియోజకవర్గంలోని 166, 310 బూతులపై వచ్చిన ఫిర్యాదుపై సీఈవో విచారణకు ఎందుకు ఆదేశించారని అడిగారు. పోలింగ్ రోజున ఆ రెండు బూత్‌లపై టీడీపీ అభ్యర్థి నాని ఫిర్యాదు చేసినా పట్టించుకోలేదన్నారు. కానీ పోలింగ్ అయిన 24 రోజుల తర్వాత వైసీపీ అభ్యర్థి కొన్ని బూత్స్‌పై ఫిర్యాదు చేస్తే సీఈవో విచారణకు ఆదేశించారు. అయినా రీపోలింగ్ అయ్యాక విచారణ ఏంటి? అని ప్రశ్నించారు. ఈసీ చిత్తశుద్ధిని శంకించాల్సి వస్తోందని కళా వ్యాఖ్యానించారు. సీఈవో ద్వివేది సెలవు నుంచి వచ్చాక టీడీపీ ఫిర్యాదుపై చర్చించి నిర్ణయం తీసుకుంటామని సుజాత శర్మ హామీ ఇచ్చారు.

Check Also

విజయసాయి రెడ్డి బుద్దా వెంకన్న విమర్శలు…

Share this on WhatsAppఅమరావతి: ట్విట్టర్ వేదికగా వైసీపీ, టీడీపీ నేతల మధ్య ట్వీట్ల యుద్ధం సాగుతోంది. తాజాగా వైసీపీ …

Leave a Reply

Your email address will not be published. Required fields are marked *