Breaking News
Home / National / ల్యాప్‌టాప్ పట్టిన కేరళ బామ్మ.. దగ్గరుండి నేర్పించిన మంత్రి

ల్యాప్‌టాప్ పట్టిన కేరళ బామ్మ.. దగ్గరుండి నేర్పించిన మంత్రి

తిరువనంతపురం: ‘అక్షర లక్ష్యం’ కార్యక్రమంలో భాగంగా కేరళ సర్కార్ నిర్వహించిన పరీక్షలో నూటికి 98 మార్కులు సాధించి రికార్డులకెక్కిన కార్తాయని అమ్మ .. తాజాగా మరోసారి వార్తల్లో నిలిచారు. అక్షరాలు దిద్దిన ఆ చేతివేళ్లతోనే.. ల్యాప్ టాప్‌పై కంప్యూటర్ నేర్చుకునేందుకు ఉవ్విళ్లూరుతున్నారు. దీపావళి సందర్భంగా కేరళ విద్యాశాఖ మంత్రి ప్రొఫెసర్ సి. రవీంద్రకుమార్.. కార్తాయని అమ్మ ఇంటికి స్వయంగా వెళ్లి ల్యాప్ టాప్ బహూకరించారు. కేరళ సీఎం పినరయి విజయన్ ఆదేశాల మేరకు ఆమెకు ఈ బహుమతి అందించారు రవీంద్ర కుమార్.
ఈ సందర్భంగా ల్యాప్ టాప్ ఎలా వినియోగించాలో బామ్మకు వివరించారు. తన ఖాళీ సమయాల్లో ల్యాప్‌టాప్ నేర్చుకుంటానని చెబుతున్నారు బామ్మ. అంతేకాదు పదో తరగతి పూర్తి చేస్తానని.. ల్యాప్ టాప్ కూడా నేర్చుకుని ఉద్యోగం పొందాలన్నదే తన అభిమతమని ఆమె పేర్కొన్నారు. బామ్మ మాటలతో విద్యాశాఖ మంత్రి రవీంద్ర కుమార్ మురిసిపోయారు. 96ఏళ్ల ఈ బామ్మ స్ఫూర్తి అందరికీ ఆదర్శం కావాలంటూ ప్రశంసించారు.

Check Also

భోపాల్ లోక్‌సభ ఎన్నికల బరిలో సినీనటి కరీనాకపూర్?

Share this on WhatsAppభోపాల్ : ఇటీవల జరిగిన మధ్యప్రదేశ్ రాష్ట్ర అసెంబ్లీ ఎన్నికల్లో విజయం సాధించిన కాంగ్రెస్ పార్టీ …

Leave a Reply

Your email address will not be published. Required fields are marked *